給予多點關心

現今份份工都有壓力, 連政府工現在都不是優差了, 我有個朋友做政府工的, 工作壓力大, 天天有堆積如山的工作, 仲要受人氣, 晚晚4點鐘就札醒, 一路睡不着了, 好恐怖的生活啊!

她時常跟我們出來聊, 我們都有勸過她看醫生, 好彩現今這些情緒病好流行, 我朋友都肯去正視呢個問題, 早早就醫, 如果唔係後果真係不堪設想了. 希望佢快d好番啦.

因為之前得知有位老教友的女兒亦因情緒病跳樓自殺, 剩下他老人家孤零零一個人, 好可憐啊! 我們如果身邊有類似病徵的朋友, 一定要給予多點關心和勸導他們去看看醫生, 希望不再有悲劇發生.

好緊張呢

我朋友今日在美國結婚啊, 剛剛看過她的blog, 佢話好緊張啊, 應該係啦, 一世人一次麻, 我好替她開心, 知道她蝦子餅好鍚佢, 好幸福啊! 祝佢地兩個開開心心, 永遠幸福.

氣消了

星期天動怒之後, 原來到今天都消不到氣, 好氣好氣呀!!! 我是一個很少跟人爭吵的人, 但每次為什麼一跟她說話就扯火了, 好傷身呢!

為什麼有這麼一個暝頑不靈的人, 點解我地做每一件事都好像不合她意思, 不過又為什麼要合她意呢, 她想的就一定是對的嗎? 我會問點解之前可以簡簡單單的做個好朋友, 一同行山, 什麼都談得來, 點解而家會變了質, 有了利害沖突嗎? 她主觀的想法, 總是令身邊的人不快.

既然如此, 不如不見, 善會-我巳跟joe說退了, 堂區-我都不會再踏足了, 免得我再動怒傷身, 我的健康比其他人的看法都來得重要.

記得課堂導師說, 樂觀的人不一定事事開心, 只是他們在不快時, 逃離現塲都比誰人跑得快. 現在真是舒服得多! 而且今天有666陪我吃午餐, 勁開心呢!

麥烈多多

今日高比話好depress約左出厘食飯, 其實我呢兩日都唔係好開心都想搵人食吓飯, 真係啱!

高比日頭非常忙, 但一番到屋企得自己一個佢又會好lonely, 好多時佢唔開心就會send sms 俾我, 我一定覆佢, 因為好驚佢諗埋一邊. 我都好擔心佢, 同佢傾過好多次, 佢都知道問題所在, 但每次自己一個人時就好容易鑽左入牛角尖, 我同佢自己都覺得係有需要搵啲專業意見, 我呢個"麥烈多多" 有時都幫唔到.

好多時朋友有唔開心時都會找我傾, 可能因為佢地覺得我樂觀好開心, 但樂觀的人都有depress 的時候, 我唔開心的時候, 誰來聆聽我呢? 我選擇了寫blog 抒發吓, 呢個真係一大發明呀, 寫完出來就好像對住個馬桶講完, 一沖就所有唔開心ge事沖走哂咁. 舒服哂!!!!!

星期三晚公司食飯, 見到橙餅同c9, 妙妙話橙餅個樣怪怪地, 殘左好多, 不過佢走埋厘, 講到自己好忙, 話日日睇report, 好充實喎, 心諗邊有公司會用幾餅野請個人厘齋睇report吖, 佢都係危危乎喇!

個日抽獎就抽唔到喇, 結果做左 “出充王”, 成晚打牌未開個糊, 仲要頻頻出充, 屎唔屎吖! 好彩尋日開早塲嬴番啫!!!!!

Nana 6月4號last day, 佢就好啦, 有仔有女, 做得唔開心無謂激親自己, 希望我都好快好似nana咁啦. 不過佢唔肯俾人同佢farewell, 唔熟唔食, 就連我地呢班飯友都唔食, 咁我地就諗住買份禮物啦, 買乜好呢???

仲有件開心事, 就係我老豆精神番好多, 認得我啦, 仲識話我煲啲湯難飲, hehe...

卓健- 真係好唔掂

今日約左驗身, 咁啱老闆又去左大陸, fit 哂!

上年話我體重超標, 點知今日上磅, 竟然都135, 有冇搞錯, 我響屋企從未試過過130..哼!

仲有, 我真係好怕抽血, 因為我血管幼, 成日都抽唔到, 姑娘ge手勢都好重要, 點知.. 手臂試完都唔得, 終於抽手背, 通常手背都要醫生抽, 不過今次個姑娘自己抽, 點知都竟然失敗, 我都未試過抽手背都抽唔到, 仲要兩隻手都試渾, 好鬼痛呀!!!! 唉!!! 下星期再要去抽過. 個姑娘仲話如果生bb會好麻煩, 好彩我地決定唔生架啫, 唔係就死喇!

咁都唔止, 到見個女醫生, 嘩, 唔知係咪趕住去食飯, 十秒九就做完成個test.. 都唔知摸唔摸得清楚呀... 總之我下年就唔會再揀佢地啦!

飲醉左???

正懶訓豬

Happy Landing

我個fd到左步lar... 不過仲未搞清exactly佢響邊樹, 總之美國東岸冇走雞啦, Happy Landing!!!

不過佢個blog話佢jetlag同病, 婚禮好多野搞架, 希望佢快啲好番啦!

一直都好喜歡呢位朋友爽和真的性格, 佢做到我曾經諗過但做唔到的事. 我之前都好響往到外國生活, 隻身跑到多倫多去, 但結果回過氣後一年就回來了, 可能是我沒勇氣吧! 所以佢能做到自己喜歡做的事, 遇到自己喜歡的人, 何等幸福呢, 好好珍惜呀!

又一day

今日一番公司成枱都係野, 早餐都未食就入左去三毛吹水大會, 我今朝自己問阿爺駛唔駛我去take min., 佢話要, 咁我就順便問多聲個會你call架, 佢話係, 咁都冇咁興.

上次全程黑面, 咁而家知係阿爺call ge, 都gur啲. 不過上次三毛真係當我係佢妹仔呀, 一開完會第日就追我個min, 佢真係未食藥呀, 我窒番佢之後, 踏親佢條尾, 成日針對我, 可能有排受呀, 不過我會抗爭到底唔會怕佢架! 總之睇到佢三條毛就憎啦!

仲有, 今日放工朱總己經搬左枱lu.. 見佢都好激氣, 咁我就厘都要搬喇, 大枱搬細枱, 唔見半張枱, 而家先知原來我張枱係大過朱總0個張架, 真係冇留意添, 不過其他野我唔會搬架喇, 都冇人厘坐, 費事嘥力呀. 搬都好ge 我而家四野無人, 真係暈左, 死左都冇人知架, 坐朱總個位, 豈碼都有d人氣麻, 朱總就坐妙妙隔離, 好熱鬧啊!

而家做人唔阿Q唔得, 免得自己唔開心…. 我日日都要開開心心呀)))))))))))

仲有響呢度祝CONNIE早日康復

我同事CONNIE病左呀, 好希望佢快D好番. 我地知你好擔心, 所以都唔想煩住你喇, 不過如果你想同我地傾, 我地會好樂意做你的聆聽者.

我記得你係教徒, 有咩心事你可以祈禱話俾天主聽, 佢一定會引領你的路, 放心交托俾佢啦.

難得靜下來

近來忙得很, 阿爸病了, 之前說脈搏慢, 血液偱環差, 半邊面同手都腫起來, 每天都去幫阿爸按摩, 都有少少效, 但假期前入了醫院, 說睡得太多, 尾龍骨生了褥瘡, 最初還以為是腰骨痛, 不過好彩是初期, 不太嚴重, 只可煲啖湯, 都唔知點先可以幫到阿爸唔駛受咁多苦:(..

貓之百態

訓到矇查查ge MEE

又厘苦口臭面ge MEE

安逸ge 乳牛

有眼眉ge 乳酪

富泰ge MEE

眼仔碌碌ge 長尾

我要做好呢份工!!!!

就係探醫院呢份工, 真係越來越喜歡呢個工作, 每個星期一都會去, 真係唔探唔安樂呀!

一去到病房, 通常都會先去女病房先, 因為覺得女病人較易傾得埋, warm up左之後再去男病房感覺好好多. 可能男人不會太主動想同你傾, 有時打完招呼就冇乜眼神交流, 我就會驚驚地唔敢再行埋去. 不過剛過的星期一好唔同, 有個伯伯同我打完招呼後, 好開心咁, 通常我都會問佢地今日有冇好啲呀, 呢個伯伯好開心講非常好, 一聽佢說話就知佢係一個樂觀開朗ge伯伯, 好少會見到訓響病牀都可以咁開朗.

本來以為佢好小事, 點知聽落原來係死過番生, 但佢都可以輕描淡寫咁帶過, 掂! 之後就滔滔不絕講番佢以前啲事, 雖然伯伯都係幹粗活的人, 生活好窮, 但講起佢ge家人臉上都帶着喜悅, 仲話最自豪就係養大佢六個仔女, 而且個個都好生性, 我都鄧佢安慰. 佢地一家人ge聯繫好好, 大家都好關心大家, 每日都好多人來探佢, 佢一句死而無憾, 真係另我好感動, 如果我到呢位伯伯ge歲數可以對自己說今生無憾的話, 我真係死得眼閉lu... 希望到時我真係可以做得到. I have no regret.... (呢句係有套戲 Meet Joe Black 入面我最深刻的一句說話, 其實要做到談何容易.

牧靈導師講得啱, 探病人真係互動ge, 病人可以感覺到有人關心佢地, 亦係有個機會俾佢地分享吓心入面開心同唔開心ge野, 而自己從中亦學到不少東西, 得着也不少呢!!!

又是劉若英

每次聽佢d歌都好感動, 有時唱K, 更會嗚咽到唱不下去, 總之就係個心"喇住喇住"咁ge感覺, 你感覺得到嗎?

生日快樂
很愛很愛你

米高仔(金虎斑)想找家

可愛善良ge米高仔, 想找一個安定ge居所, 有個鍚佢ge主人.
年鹷: 5個月大
性別: 男
身體健康, 無不良嗜好, 又乖又聽話, 最喜歡睡覺.
有愛心收養人士, 請聯絡我joycemeemee@yahoo.com.hk 麻煩哂!

第一次自己做ge 甲

只可遠觀, 老師講完十大錯處, 唔夠修長, 長短不一, d gel上左甲邊, 冇high point, C-curve唔夠, 過厚, 影相技術差...etc 跟住好彩話:不過..... 第一次做個面都算光滑都合格架喇, 嘩哈哈!!!!!

p.s. 老師其實一d都唔老, 係一個靚女媽咪, 個仔6歲, 但佢仲好似少女咁樣, 羡慕!

行上呢條不歸路

好詭秘呢!!!唔駛驚! 係有人話做gel甲係一條不歸路啫, 做開就要做, 冇得番轉頭架....

我聽日就去學gel甲! 響個forum度識左個mummy, 佢有教開人自己做gel甲, 聽日告左日假去學, 朝九晚五好似番工咁, (我係咪好認真呢! 雖然我對新事物得三分鐘熱度, 但每次開始時我都好認真架, 呢d咪叫做有頭威冇尾陣之嘛, hehehe....) 希望學得成番來同之後有恒心繼續啦!

俾佢d美甲相你地開吓眼界啦!
judy_nailnail 的相片

同學仔聚會 - 享利花花同學會

尋晚我地九個同學仔又有聚會喇, 大家有機會收吓風. 咁啱朱博士同佢陪門d同事有高層厘見佢地, 仲續個見添, 真係榮幸呀! 狗餅幾衰一早唔單聲, 淨係話俾佢個C9聽, 好彩朱博士同阿妙都冇有怕, 見咪見囉, 超!

消息人士透露 (不過其實個個都知), 我地會大執位, 各散東西 :(.... 大腦部門將會掉(sorry係"調"至啱)去筲箕灣, 大廳同我地可能會去灣仔, 計算部會四散, 各奔前程, 呢個term又幾老土噃! 但又幾唏噓! 我地已經約定有朝呢日, 我地大家就會一齊farewell大家架喇.

搵到個MTV噃!

近來好喜歡的一首歌

劉若英 - 後來
詞：施人誠 曲：玉城千春 編曲：王繼康

＊後來　我總算學會了　如何去愛
　可惜你　早已遠去　消失在人海
　後來　終於在眼淚中明白
　有些人　一旦錯過就不再
　
梔子花　白花瓣　落在我藍色百褶裙上 　
愛你　你輕聲說 　
我低下頭　聞見一陣芬芳 　
那個永恆的夜晚　十七歲仲夏 　
你吻我的那個夜晚 　
讓我往後的時光　每當有感嘆 　
總想起　當天的星光
　
那時候的愛情　為什麼就能那樣簡單 　
而又是為什麼　人年少時 　
一定要讓深愛的人受傷 　
在這相似的深夜裡　你是否一樣 　
也在靜靜追悔感傷 　
如果當時我們能　不那麼倔強 　
現在也　不那麼遺憾


＃你都如何回憶我　帶著笑或是很沉默 　
這些年來　有沒有人能讓你不寂寞

repeat ＊,＃,＊,＊
　
永遠不會再重來
有一個男孩　愛著那個女孩

豬年豬一般的生活 - 食同訓

恭喜發財, 放左幾日假, 過着豬一般的生活, 由朝食到晚.... 應哂節啦!!!!

不過豬係唔識打麻雀ge, 我識...... 打足七七四十九圈之後今日要番工喇!!!! 好可憐啊!!!!

由年初一打到年初三, 頭兩日都嬴架, 點知尋日輸左成百幾蚊, 真係肉都痛埋. 平時打d cheap 牌都係諗住防止老人痴呆加麻, 廿蚊打足一日, 尋日同我阿姨表妹打, 唔同我打咁細, 結果我就衰左喇!!!! 百幾蚊夠打一年架喇!!!!!!

情人節

過了一個忙碌的情人節, 雞脾主人外地公幹回來接回雞脾, 害得666呆等了半小時有多, 真的唔好意思. 其實我地都唔係咁注重情人節ge人, 我相信真心對對方就日日都係情人節啦, 送花更加不需要了, 我只覺得求婚時有花就行, 其他日子可免則免吧. 可能係因為人大左對節日觀念越來越少, 只想平平淡淡同自己喜歡的人過就心滿意足, 追求不太花巧的生活, 細水長流就好了.

尋晚好興奮, 差d訓唔着呀!

咩咁興奮?! 其實係尋晚去醫院探訪完, 感覺好好, 好開心.

之前咪話好驚食檸檬, 不過尋日冇食過檸檬, d病人仲對我好好, 有好多個都傾左好耐. 尋晚去到沙田醫院等Mabel, 之前響聚會見過一次, 但感覺佢好爽, 一睇就志同道合好容易傾得埋ge人, 點知傾開佢都有咁ge感覺, 大家一見如故, 而且佢做左探訪好耐, 敎左好多探訪技巧俾我, 好多謝佢.

我探6AB房, 一邊男, 一邊女, 全陪都係老人家, 剛好又與着家人探病時間, 房入面都好繁忙. 第一個探ge竟然係基督徒, 好幸運啊, 我話俾佢聽我係第一次探, 佢仲係我第一個探ge病, 婆婆即刻話感謝天父, 我當然都同樣感謝啦, 我真係好好彩呀.

之後同幾個病人都好好傾, 之前有義工話男病房比較難探, 個個兇神惡殺, 但我又覺得唔係噃, 我仲同有個伯伯好好傾添, 真係大感意外.

不過我覺得其實做牧靈技巧唔係最重要, 最緊要係用個真心去探望同關懷病人, 佢地就會感覺得到同好願意同你溝通喇. 我過完新年會再去, 希望我尋晚探過ge病人都已經出哂院啦.

真冇鬼用!

我真冇鬼用, 尋晚老闆走竟然喊左出厘, 佢一講話八年, 唉! d眼淚就唔聽話流左出厘. 成日都control得好好, 臨尾衰左.... 共事八年的確唔短, 而且見佢走得咁黯然真係好難過. 希望佢有新發展啦.... all the best.

今朝新官正式入主, 哈!!! 我竟然又遲到, 一番到去就聽到conf room傳來兩把陌生ge聲音, 係老餅聲, 仲要營住係煙屎牙老餅.... 跟住俾人"的"左入房, 講吓新官上任ge工作, 都未入正題, 一講到我老闆走我竟然又頂唔順成隻眼都紅哂, 瘀爆! 我真係冇用, 成日都咁眼淺..... 冇得救呀!!!!!!

我老闆今日last day 囉!

佢做埋今日咋, 都有少少sad, 話哂都一齊做事八年.... 雖然好多同事心目中佢都幾mean, 但佢對我都算係幾好架喇, 當然冇我舊時d老闆咁同我稱兄道弟(妹), 但都叫做客客氣氣, 不過不失啦.

我諗佢會留番響香港唔會咁快番英國ge.... 前日我都搵佢寫左reference letter 喇, 我地d同事搵左佢食飯farewell 佢, 仲叫埋我添, 我諗我要去買份禮物俾佢先.

而我點呢, 佢話會同人事部講, 睇吓駛唔駛restructure我個post wor.... 唉! dun左我咪算囉, 攪咁多做乜鬼吖.....

靜雞雞

先前諗住敵不動我不動, 而家都知老闆就走, 佢開始執野, 咁我仲唔動咩, 星期六番來執野.

嘩! 做左八年, 原來咁多野放左響公司, 掉都掉左四五袋, 拎走左兩大袋同埋d花花, 而家仲有3袋響枱底.... 不過咁唔算誇張, 記得第一份工走ge時候, 要pack左三個箱番屋企, 差d連棉胎都放埋響公司, 你話我對公司幾有歸屬感呢!!!!

最慘係d花, 屋企又冇地方放, 而家放住scarlett度先, 諗住星期六拎哂去goobie度, 上次俾佢好多盆, 佢都種得好好, 開哂花, 所以放響佢度我都放心, 話哂d 花花都係我心血麻.

其實份工都幾好架, 又早放工, 又可以種花, 退休咁ge生活, 仲諗住做到退休加麻, 不過世事邊有咁如意架...... 我又點會咁好命吖!!!!

問左喇!

呢排我老闆好忙, 都冇機會入去問吓佢去留啲野, 尋日入開房終於問左喇, 不過原來佢自己都唔知, 都冇人通知佢, 佢話應該單deal完成前, 咁可能係農曆新年前.... 咁我係咪都係呢????

而家好想佢快啲dun我呀, 我咁大個女都未試過redundant, 真係想試吓, 同埋聽聞新老細cheap到屎, 千祈唔好留我呀, 唔駛客氣喇. 而家日日番工就等放工, 月尾等出糧, 都唔知"hair"到幾時.

wow))))) 靚女結婚喇!!!!!! 好開心呀!!!

打開她的blog見到她著婚紗的樣子, 好甜美好幸福呀!!!!

響呢樹祝福佢地開開心心, 白頭到老, 永結同心, 幸福快樂, 年生貴子, 美點相煇...... 總之就係"好"啦!!!!

1月15日 雨過天晴

尋日將d唔開心ge野講左出厘, 個人都冇咁嬲, 舒服哂! 不過聽0個個一臉熹皮笑臉, 唔知有冇心裝載啫! 發覺原來鍾意左個儍ge... 你話死唔死吖!!!!

醫院牧靈

本來今日係我第一次要去醫院做探訪, 之前讀左個牧靈初班, 本來諗住讀埋中班再諗諗會唔會去做, 點知姑娘話人手唔夠, 不過上星期儀姑娘打厘, 因為醫院批文未搞定, 所以要改到二月.

之前心情本來好緊張又驚, 但而家反而好盼望, 可能因為上次參加完義工聚會, 聽過大家分享過心得, 而家反而好想快d開始 .

其實我係一個比較被動ge人, 你唔同我笑或講野先, 我好少會主動同你傾計, 可能怕面矇. 但入到病房我要好主動去問候病人同埋同佢地傾計, 所以之前我真係好驚, 不過聽左佢地d心得後發現, 如果好唔好彩個病人真係唔蘇你的話, 要同自己講, 佢可能真係好唔舒服所以唔想講野啫, 咁就唔會有hard feeling.... 希望我到時可以handle到啦.

今次參加牧靈工作亦都好多謝Pierre, 因為之前去探佢, 雖然同唔到佢講野, 但通常都會見到佢d屋企人, 但自己又唔識點安慰佢地, 好冇用, 又咁啱睇到堂區有呢個牧靈課程讀, 所以就報讀左, 諗住自己去學吓d技巧. 因為自己好眼淺, 之前從來冇諗過自己會做呢方面ge野, 今次可謂機完巧合.

1月12日 轉晴

尋日心情其差, 做女人真係多野煩. 夜晚同左d舊同事去唱k, 個舊同事知道左我地公司d野, 真係掩住半邊咀笑呀, 仲話我地公司都有今日wor... 我都認為係架, 呵呵呵... 佢而家份工唔知幾好. 希望我第時都好似佢咁啦.

1月11日 天陰

番工就厘悶死, 我boss同幾個老細成日響房入面吱吱噚, 佢地個樣有時就生意失敗咁, 又時又好似心情好好咁, 都唔知做緊乜.

尋晚終於去Jusco買番啱個枕頭, 之前買錯左, 訓到我成日發夢, 訓左等於冇訓咁, 果然係Supercomfort尋晚終於有覺好訓喇.

不過心裡仍然有樣野好擔心 : (

雞脾好強呀, 非常習慣新居呀!

尋日同Phoebe聯絡, 睇吓雞脾去到新環境有冇唔習慣, 知道雞脾一d都冇驚過, 都好安心, 不過貓b適應能力應該好強ge, 而且Phoebe都係愛貓之人, 其實一d都冇擔心過, 不過相處咁耐, 唔見到雞脾, 都有d失落. 不過Phoebe同我地講可以隨時去探雞脾, 好開心呀!

話說因為前陣子天台維修, 所以雞脾落左個fd樓下住, 不過開頭雞脾就俾阿斑(朋友的大貓)蝦到好慘, 不過當我抱住雞脾, 佢就會反擊, 之後仲自己單拖還擊, 勇呀! 雖然係咁, 雞脾走左之後0個兩三日, 阿斑都竟然成日喵喵叫要搵雞脾, 雞脾響度又日日蝦人, 而家人地走左, 佢又掛住雞脾, 真搞野.

仲有呀, 我個fd個媽咪都話好掛住雞脾, 見唔到佢就心掛掛咁, 你睇雞脾幾受歡迎, 我有少少覺得雞脾好似一公升眼淚的女主角呀, 雖然自己身體有缺憾, 但佢ge意志同埋開心生活ge態度, 帶給身邊ge人好多鼓勵同歡笑. (sorry, 又發日劇癲添)

迷

放左好耐假, 番到公司好迷, 公司逆手之後, 而家迷失方向, 冇乜目標咁啦. 以為放假番厘我boss有野同我交代吓, 又冇噃, 一切都好平靜, 回復番以前咁, 好清閒. Yo! 繼續番我ge上網生活! Ah!!! 仲有, 打番份靚靚 CV 先.