都未傷心完, 發現另一隻白pat被困地產舖入面唔識出番厘.
響黃雨0個日佢由正門"了"左入地產舖面避雨, 我仲話佢精, 識得lee入去, 點知原來佢唔識出番厘. 之前因為掛住阿女冇為意, 原來白pat行左入地產舖後欄, 孟咁喵救命, 佢足足被困左五日, 冇水冇糧.
尋日朝地產call左愛協, 點知又係搵條茂利, 又搵燈照, 又搵野篤, 結果嚇到佢上左假天花, 跟住唔見埋, 咁佢地就收隊, 頂!!! 佢地係咪接左order厘睇吓搞吓就算, 叫佢地捉番白pat出厘啫, 點知仲衰嚇到佢瀨尿. 連地產舖d人都識講啦: "乜你地走拿, 咁隻貓點呀, 捉唔到佢冇野食冇水飲會死架噃" 佢地唔理就走左去. 有冇搞錯呀, 我一定會去愛協投訴架.
好彩尋晚地產舖肯放低鎖匙俾我地, 等我地夜晚去捕佢, 搞左成晚, 將個後欄反轉, 終於佢先肯落番地由後門走番出去, 見佢成隻瘦哂, 仲好似有少少脫水添, 希望快d佢冇事啦, 阿女已經唔響度, 你唔可以再有事架喇.
沒有留言 :
發佈留言