話說阿meemee八月份時近背脊位置腫起一舊, 去睇左dr maggie, 話meemee可能撞親, 後來食左藥消左腫, 以為冇事. 你地睇!!!
但呢幾日又見佢再腫起左, 比上次細粒, 但比上次突同尖尖地, 諗住觀察多兩日先. 點知今朝見到0個度實實地, 以為係整親結左焦, 用手按下, 有膿流出, 都已經好驚, 再 jit 下, 有少少血水, 同有少少野"鞋"手咁, 再唔敢掂佢, 即刻call vet, 半個鐘頭度, 望一望meemee, 竟然見到有支牙簽ge物體插左出厘, oh my god, 係一支兩頭尖ge牙籤呀, 嚇到半死........
之前以為俾支牙籤插親, 但睇左vet後, 佢話應該吞落肚ge機會大d :( dr maggie仲話 "amazing", 我咪話係 "scary" 多d.) 究竟meemee點樣吞呢???? 吞左又點解去左背脊出番厘呢????真係好多個問號.....跟住越諗越驚.. 真係要問番meemee先得la....支牙籤呀
呢支牙籤值成1,700蚊架!
meemee平時好鍾意執d條狀物體食, 所以都好小心ga la... 有乜野麵飽封條, 線呀都會即刻執起,點知都........ 唉!!!! 仲有我地係唔用呢d牙籤架..."r"頭
因為驚牙籤插親內臟, 看看入面有冇灌膿, 所以要照x-ray同ultra sound, 打左電話俾vet, 話冇事, 今晚去見vet就得la... 咁都安心d!!!! 放工要快d接番meemee番來la... 見佢一臉無知, 好似冇事發生咁, 真俾佢氣壞呀
"奉JOYCE喻, 記住記住小心小心, 唔好遺下任何吞得落肚ge野響地上"
3 則留言 :
有心呀, bc, 佢由頭到尾都儍"耕耕",而家傷口己結左焦la... 但仲要食多十日抗生素,因怕入面仲有菌wor...
aiya, 一定嚇屎妳啦! 究竟 meemee 係邊度揾到支屋企無的牙籤去食落肚呢! 係咪買外賣時附送的牙籤呀?
我家貓貓又係好鍾意係地下揾食, huey 叻 d, 識得淨食跌落地的雀糧, milk 就乜都咬一餐, 至愛係橡筋, 包膠鉄線, 軟尺, 繩, 紙碎, etc. 攪到我成日眼甘甘望住個地下, 分分鐘 check 到實, check 完地下無異物, 就要 check 下兩隻野做緊乜, 一見佢地口 up up 就即刻 "了" 開佢地個口睇下入面係乜.
唔知其他貓媽係咪又係好似我咁緊張大師呢?
roboman, 橡筋, 包膠鉄線都係mee的最愛, 亦都已絕跡我屋企ga la....佢地有時好衰,見佢地口 up up 想 "了" 開佢地個口睇下入面係乜啦, 佢地就"guo"聲吞埋落肚.. 激屎..
我以後會好小心, 好小心ga la.. 同埋我呢個阿四會勤d 掃地/抺地/拖地ga la...
發佈留言