有得放假, 心情靚哂!

我老板話可以放假呀, 放三日, 下個星期二先番, 勁開心呀! 聽日可能去濕地公園睇吓, 探吓貝貝咁啦, 夜晚就約左d舊同事食飯, 真係行程緊密呀. 舊同事由加拿大番, 都番左成個幾月, 仲搵到工添, 利害! ah... 我仲未話俾佢聽Pierre件事添...

d沆生素都好似ok, 聽朝早去睇醫生攞藥先. 另外有同事話可以用鹽水洗鼻, 係蔡瀾教放盆鹽水, 然後大力用個鼻吸入, 再由口吐出, 如是者洗一個月, 鼻炎就會有好轉. 不過我驚"濁"死, 改用針筒, 好似真係洗到鼻入面d污糟野出厘, 但都有少少濁喉, 不過接受到, 會繼續試試.

尋晚我地去J's訂左對介指, 不過要下個月中先有得攞, 好心急啊! 又去睇左d短線團, 不過full哂, 咁唯有再諗吓去邊啦, 其實去邊都冇所謂, 都係諗住relax吓啫.

今日好down!!!!!!

因為食左抗生素, 成個人謝哂, 個鼻都係鼻水倒流, 明明前面通架, 都唔明點解後面硬係塞住... 唉! 唔食又驚會變鼻竇炎, 中藥又慢得可憐.... 唯有食住西藥止住先啦. 我而家明白點解d人會因病厭世喇, 食極藥d病都冇好轉, 真係好depress架!!!!!

行多d有益d

卜左支掛

既然前路茫茫, 就搵個同事卜左支掛, 支掛話不變應萬變, 絕處可逢生, 咁又唔係太差噃, 不過幾時先到絕處, 幾時先有生機呢?????? 買左六合彩, 唔通今晚就逢生, yeah!!!! 好野!!!!

另外, 轉天氣, 條氣管好弱呀, 今朝仲咳到扯哂蝦. 有個同事話佢個fd成30歲人先哮喘發作, 我都驚驚地呀,可能香港d空氣真係太差喇! 而家仲15/16, 發緊炎, 繼續睇中醫好吖, 定睇西醫呢? 定兩樣夾龔呢? 好煩呀!

雞脾好悠閒

得閒洗吓面啦, 洗吓手仔啦, 咁咪唔會變黑豬啦!

塞翁失馬.......

希望醜0既唔靈, 好0既靈啦, 公司今暈真係大大煲, 唔慌冇假放喇!

不過諗真又對我no harm... 咪當放個假, 旅個行, 我而家個目標就係去美國探DOROTHY 同埋 CHRIS 喇!!!!! YEAH!!!!!

希望放到假啦!!!

本來諗住個board meeting 日子fix到下個星期二, 咁就可以安安樂樂放假, 點知公司好似有大獲野, 唔知放唔放得呢, 近來老板已經日日黑面, 我都唔敢野佢, 唉!! 希望可以放到假啦.

呢期病到九彩, 仲諗住放假可以relax 吓, 又可以訓晏d, 去吓離島休息吓, 個身體真係好差呀, 剛轉季已經搞成咁, 你話再凍d點算, 唉!

今日要去上牧靈課程, 已經第四堂喇. 原來病真係好慘, 我呢d算小病已經叫苦連天, 訓響醫院0個d病人真係好需要人關心, 希望讀完呢個課程可以去探吓佢地, 關心吓佢地.

我又hyper喇....

又病入膏肓喇, 發左兩日燒, 今次唔係101係102.5, 番左半晝就走左, 可能燒壞左個腦, 響地鉄轉來轉去迷失方向, 搞左好耐都未番到屋企.

食左中藥都退唔到燒, 蓋埋棉胎都焗唔到出汗, 終於驚驚地睇埋西醫. 唉... 燒終於退左, 但鼻水倒流, 成晚訓得都唔好, 好煩呀, 而家d菌點解咁勁.

放左日半病假, 番到公司好多野做呀, 老板又烏雲蓋頂, 我d鼻水又長流不息, 真係想屎, 心情極之差, 又好閔. 放工諗住搵個人挨吓啦, 點之又玩失踨, 你話唔hyper唔扯火就假啦.... 不過我都唔想架, 好傷身加嘛, 唔怪得知氣管咁弱啦, 唔止扯火仲激到扯蝦添呀...

愛協拯救隊, 唉!!!!!!

話說上個星期個fd樓下有隻貓b, 我諗個零月大, 困左響蔭蓬頂, 離地都成10呎, 咁咪諗住叫愛協厘拯救啦. 點知搵左個又盲又聾ge靚仔(係高音呀)厘. 爬梯上去見到貓b響面前都仲唔出手, 仲用大光燈照左四五次, 終於嚇到貓b走左去個泠氣機槽後面, 真係激死呀! 本來貓b就唔係好知驚, 早知自己爬上去好過. 之後都試過爬梯上去, 但貓b已經識得驚人, 聽到少少聲都走左lu....

之前愛協d拯救隊都好醒架, 試過搵過佢地幾次都救得到, 點知新呢一班二打六, 唉!!!! 仲要之後打番電話俾我地話貓b應該有貓媽架, 等佢貓媽番來接番貓b啦! 真係唔得佢死呀!